راولپنڈی (اردو ٹائمز) پنجاب پولیس کی تاریخ کا تاریخی قدم: آئی جی پنجاب کا کرائم کا بلاامتیاز تقابلی جائزہ، پہلی بار سخت ترین احکامات جاری

راولپنڈی (اردو ٹائمز) پنجاب پولیس کی تاریخ کا تاریخی قدم: آئی جی پنجاب کا کرائم کا بلاامتیاز تقابلی جائزہ، پہلی بار سخت ترین احکامات جاری

تفصیلات کے مطابق ​پنجاب میں امن و امان کی قیام اور عوام کے جان و مال کے تحفظ کے لیے آئی جی پنجاب نے ایک ایسا بڑا قدم اٹھایا ہے جس کی مثال قیامِ پاکستان (1947ء) سے لے کر آج تک کی پولیس تاریخ میں نہیں ملتی۔ یہ اپنی نوعیت کا پہلا اور غیر معمولی اجلاس تھا جس میں تمام ریجنز اور اضلاع کی گزشتہ 3 ماہ کی کرائم صورتحال کا تفصیلی تقابلی جائزہ لیا گیا۔ پولیس کی اس تاریخ ساز بیٹھک اور آئی جی پنجاب کے سخت موقف کو میڈیا اور عوامی حلقوں میں انتہائی سراہا جا رہا ہے اور اسے پولیسنگ میں ایک انقلاب قرار دیا جا رہا ہے۔
​اجلاس کی اہم ترین تفصیلات درج ذیل ہیں:
​خواتین و بچوں کے خلاف جرائم پر زیرو ٹالرنس
​برہمی کا اظہار: آئی جی پنجاب نے بعض اضلاع میں خواتین اور بچوں کے خلاف جنسی جرائم میں اضافے پر سخت برہمی کا اظہار کیا۔
​وزیراعلیٰ کا ویژن: انہوں نے واضح کیا کہ وزیراعلیٰ مریم نواز شریف کے ویژن کے تحت خواتین اور بچوں سے زیادتی و اغوا کے واقعات پر زیرو ٹالرنس پالیسی نافذ العمل ہے۔
​اسٹریٹ کرائم کی روک تھام اور مانیٹرنگ کا نیا نظام
​محنت اور تدارک: ڈی پی اوز کو ڈکیتی، چوری، اور نقب زنی جیسی وارداتوں کے تدارک کے لیے مزید محنت اور سائنسی بنیادوں پر اقدامات کی ہدایت کی گئی۔
​روزانہ کی بنیاد پر مانیٹرنگ: تمام اضلاع کی کارکردگی کو اب روزانہ کی بنیاد پر مانیٹر کیا جائے گا جبکہ ہفتہ وار جائزہ اجلاس باقاعدگی سے منعقد ہوں گے۔
​افسران کی فیلڈ میں موجودگی اور سپرویژن
​جائے وقوعہ کا دورہ: ڈی پی اوز کو ہدایت کی گئی کہ وہ محض دفاتر تک محدود نہ رہیں بلکہ سنگین جرائم کی صورت میں خود جائے واردات کا معائنہ کریں۔
​کارکردگی کی جا نچ: ڈی پی اوز تھانوں، ایس ایچ اوز، اور ڈی ایس پیز کی کارکردگی کا باقاعدگی سے جائزہ لیں۔
​زیر حراست ملزمان کی حفاظت اور سخت احتساب
​ایس او پیز پر عملدرآمد: زیر حراست ملزمان کے حوالے سے قانونی ایس او پیز پر 100 فیصد عملدرآمد یقینی بنانے کی ہدایت۔
​فرار پر سخت سزا: زیر حراست ملزم کے فرار ہونے کی صورت میں بلاامتیاز سخت محکمانہ کارروائی کی جائے گی اور متعلقہ ڈی پی او سمیت ذمہ دار افسران کو جوابدہ ٹھہرایا جائے گا۔
​اجلاس میں سینئر قیادت کی شرکت
اس اعلیٰ سطح اجلاس میں ایڈیشنل آئی جی سی ٹی ڈی، ایڈیشنل آئی جی انوسٹی گیشن، ایڈیشنل آئی جی آپریشنز، ڈی آئی جی مانیٹرنگ، ڈی آئی جی آپریشنز، ڈی آئی جی انوسٹی گیشن اور تمام اے آئی جیز نے بالمشافہ شرکت کی، جبکہ ایڈیشنل آئی جی ساؤتھ پنجاب، سی سی پی او لاہور، تمام آر پی اوز، سی پی اوز اور ڈی پی اوز ویڈیو لنک کے ذریعے شریک ہوئے۔