اسلام آباد (اردو ٹائمز) پاکستان بمقابلہ جنوبی کوریا ٹیسٹ ہاکی سیریز کا تیسرا معرکہ آج

اسلام آباد (اردو ٹائمز) ورلڈ کپ کی تیاریوں کے سلسلے میں جاری اس ہوم سیریز کا انتہائی اہم تیسرا میچ آج 3 اگست 2026 کو نصیر بندہ ہاکی گراؤنڈ، اسلام آباد میں کھیلا جا رہا ہے۔ چار میچوں پر مشتمل اس آفیشل سیریز میں گرین شرٹس کو مہمان ٹیم پر 0-2 کی ناقابلِ شکست برتری حاصل ہے۔ اگر پاکستانی ٹیم آج کا میچ جیتنے یا برابر کرنے میں کامیاب ہو جاتی ہے، تو وہ یہ انٹرنیشنل سیریز اپنے نام کر لے گی، جو ورلڈ کپ سے قبل اسکواڈ کے اعتماد میں اضافے کے لیے ایک بہترین پیش رفت ثابت ہوگی۔
یہ تاریخی سیریز رواں ماہ منعقد ہونے والے ایف آئی ایچ ہاکی ورلڈ کپ 2026 کے لیے پاکستان کی تیاریوں کا ایک انتہائی اہم حصہ ہے ہوم گراؤنڈ پر ملنے والی بین الاقوامی میچ پریکٹس سے کھلاڑیوں کے مورال میں بے پناہ اضافہ ہوا ہے:
پہلے میچ میں پاکستان نے شاندار کھیل پیش کرتے ہوئے جنوبی کوریا کو 1-3 سے شکست دی تھی۔ دوسرے میچ میں بھی پاکستان نے حریف ٹیم کے خلاف 1-3 سے میدان مارا، جس میں کپتان ابوبکر محمود نے آخری لمحات میں یکے بعد دیگرے دو شاندار پنالٹی کارنرز کو گولز میں تبدیل کیا اگر قومی ٹیم آج کا تیسرا میچ جیتنے یا ڈرا کرنے میں کامیاب ہو جاتی ہے تو وہ چار میچوں کی اس سیریز کو اپنے نام کر لے گی، جو ورلڈ کپ جیسے بڑے ایونٹ سے قبل ٹیم کی رینکنگ اور اعتماد کے لیے بڑا سنگِ میل ثابت ہوگا یاد رہے کہ اس ہوم سیریز کی تکمیل اور ورلڈ کپ کے فوری بعد، پاکستان ہاکی فیڈریشن نے جنوبی کوریا کی جانب سے بھیجی گئی باضابطہ دعوت قبول کر لی ہے۔ قومی اسکواڈ 8 ستمبر سے 15 ستمبر 2026 تک جنوبی کوریا کا دورہ کرے گا تاکہ جاپان میں ہونے والے 20ویں ایشین گیمز (ناگویا 2026) کے لیے آخری مرحلے کی مشقیں حاصل کی جا سکیں۔ چونکہ ایشین گیمز میں پاکستان (پول بی) اور جنوبی کوریا (پول اے) الگ الگ گروپس کا حصہ ہیں، اس لیے یہ متواتر مقابلے دونوں ٹیموں کے دفاعی اور جارحانہ انداز کو حتمی شکل دینے میں مددگار ثابت ہو رہے ہیں ,پاکستان ہاکی فیڈریشن کے صدر محی الدین احمد وانی ملک میں کھیلوں کی بین الاقوامی رونقیں برقرار رکھنے کے لیے پرعزم ہیں۔ وفاقی دارالحکومت کے شائقینِ ہاکی کی بڑی تعداد میں آمد متوقع ہے، جو طویل عرصے بعد ملک میں بین الاقوامی ہاکی کی بحالی پر پُرجوش ہیں,