اسلام آباد (اردو ٹائمز) پولیس سے ریٹائرڈ ہونے والے ایڈمن افسر شفقت اقبال بھٹی کے اعزاز میں الوداعی تقریب

اسلام آباد (اردو ٹائمز) پولیس سے ریٹائرڈ ہونے والے ایڈمن افسر شفقت اقبال بھٹی کے اعزاز میں الوداعی تقریب
ایس ایس پی انوسٹی گیشن اسلام آباد محمد عثمان طارق بٹ نے ریٹائرڈ ہونے والے ایڈمن افسر کو پھول اور تحائف پیش کئے اور ان کے مستقبل کیلئے نیک تمناﺅ ں کا اظہار کیا۔پولیس سے ریٹائرڈ ہونے والے ایڈمن افسر شفقت اقبال بھٹی کے اعزاز میں ڈی آئی جی اسلام آباد دفتر میں الوداعی تقریب کا انعقادکیا گیا،تقریب میں سینئر سپرٹینڈنٹ آف پولیس انوسٹی گیشن اسلام آباد محمد عثمان طارق بٹ نے بطور مہمان خصوصی شرکت کی، اس موقع پر دیگر پولیس افسران بھی موجود تھے، ایس پی انوسٹی گیشن اسلام آباد نے ریٹائر ڈ ہونے والے ایڈمن افسر کی محکمہ پولیس کے لئے کی گئی خدمات کو سراہتے ہوئے کہا کہ ریٹائرمنٹ سروس کا حصہ ہے جس نے سروس شروع کی وہ ایک دن ریٹائرڈ بھی ہو گا،آپ نے ایک لمبا عرصہ محکمہ پولیس کی خدمت کی ہے، دوران سروس ہم سب کی کوشش ہونی چاہیے کہ ایسے کام کیے جائیں جس سے آپ کا نام روشن ہو اور آپ کے کردار کو اچھے الفاظ میں یاد رکھا جائے،ہمیں اس بات کا عہد کرنا چاہیے کہ سروس کے دوران زیادہ سے زیادہ عوامی خدمت کرکے اللہ کی خوشنودی حاصل کی جائے،انہوں نے مزید کہا کہ آپ نے اپنی زندگی کا قیمتی حصہ محکمہ پولیس میں گزار کر عوام کی خدمت کی، اس کے بدلے محکمہ پولیس نے بھی آپ کو عزت،وقار اور ایک مقام دیا جس پر آپ کو اللہ کا شکر گزار ہونا چاہیے،ایس ایس پی انویسٹی گیشن اسلام آباد نے مزید کہا کہ آپ کو کوئی بھی نجی وسرکاری مسئلہ درپیش ہو تو میرے دفتر کا دروازہ ہر وقت کھلا ہے، اس موقع پر ریٹائرڈ ہونیوالے افسر نے عزت افزائی پر خوشی کا اظہار کرتے ہوئے ایس ایس پی انوسٹی گیشن اسلام آباد کا شکریہ ادا کیا ،تقریب کے آخر میں مہمان خصوصی نے ریٹائرڈ ہونے والے ا فسرکی خد مات کو سراہتے ہوئے انہیں تحائف پیش کئے اور ان کے مستقبل کیلئے نیک خواہشات کا اظہار کیا