اسلام آباد(اردو ٹائمز) فلسطینی عوام کیلئے پاکستان آرمی کی پہلی امدادی کھیپ روانہ

پاک فوج اور نیشنل ڈیزاسٹر مینجمنٹ اتھارٹی نے فوری طور پر غزہ کیلئے امداد کی پہلی کھیپ اسلام آباد سے براستہ مصر روانہ کردی ہے۔مظلوم فلسطینی بہن بھائیوں کی امداد میں موسم سرما کیلئے ایک ہزار خیمے، چار ہزار کمبل اور تین ٹن ادویات شامل ہیں۔آئی ایس پی آر کے مطابق پاکستان کی جانب سے روانہ کی گئی کھیپ کے باعث متاثرین غزہ کو فوری ریلیف ملے گا۔پاک فوج کی جانب سے جاری بیان میں کہا گیا ہے کہ پاکستان مشکل کی اس گھڑی میں فلسطینی بہن بھائیوں کے ساتھ کھڑا ہے اور ان کی حمایت جاری رکھے گا۔