اسلام آباد (اردو ٹائمز) آئی جی ایف سی خیبر پختونخوا (نارتھ) میجر جنرل راؤ عمران سرتاج نے کہا ہے کہ دیر اپر اور دیر لوئر میں پائیدار امن، استحکام اور عوام کے جان و مال کے تحفظ کو یقینی بنانا حکومت، سکیورٹی فورسز، پولیس اور عوام کی مشترکہ ذمہ داری ہے

اسلام آباد (اردو ٹائمز) آئی جی ایف سی خیبر پختونخوا (نارتھ) میجر جنرل راؤ عمران سرتاج نے کہا ہے کہ دیر اپر اور دیر لوئر میں پائیدار امن، استحکام اور عوام کے جان و مال کے تحفظ کو یقینی بنانا حکومت، سکیورٹی فورسز، پولیس اور عوام کی مشترکہ ذمہ داری ہے’ انہوں نے کہا کہ سکیورٹی فورسز اور عوام کے باہمی تعاون اور یکجہتی سے علاقے میں امن دشمن عناصر اور خوارج کے عزائم کو ناکام بنایا جائے گا’ مشران، عمائدین اور متعلقہ انتظامی و سکیورٹی حکام کے ساتھ ایک اہم گرینڈ جرگہ سے خطاب کر رہے تھے’ جرگے میں کمشنر مالاکنڈ ڈویژن، ریجنل پولیس آفیسر مالاکنڈ، کمانڈنٹ دیر سکاؤٹس، ڈپٹی کمشنرز دیر اپر و لوئر، ڈسٹرکٹ پولیس آفیسرز دیر اپر و لوئر سمیت ملک و مشران اور عمائدین کی بڑی تعداد نے شرکت کی’ میجر جنرل راؤ عمران سرتاج نے دیر کے عوام اور مشران پر زور دیا کہ وہ سکیورٹی فورسز اور قانون نافذ کرنے والے اداروں کے ساتھ تعاون مزید مؤثر بنائیں اور امن و امان کے قیام میں اپنا بھرپور کردار ادا کریں’جرگے کے دوران مشران اور عمائدین نے حکومت، پولیس اور سکیورٹی فورسز کے ساتھ غیر مشروط تعاون کے عزم کا اظہار کیا۔ انہوں نے حساس علاقوں میں امن و امان کی صورتحال بہتر بنانے کے لیے قانون کے دائرہ کار میں رہتے ہوئے قومی لشکروں اور مقامی سطح پر باہمی تعاون کے ذریعے سکیورٹی اداروں کا ساتھ دینے کے عزم کا بھی اعادہ کیا’ جرگے کے اختتام پر دیر اپر و لوئر میں پائیدار امن، عوام کی خوشحالی، ترقی اور علاقے کے روشن مستقبل کے لیے خصوصی دعائیں کی گئیں