اسلام آباد (اردو ٹائمز) سابق آرمی چیف پاکستان جنرل (ر) راحیل شریف سے معروف سماجی و عوامی شخصیت سردار شعیب ممتاز خان کھٹڑ نے اتوار کے روز ملاقات کی، جس میں قومی اہمیت کے مختلف امور پر تبادلۂ خیال کیا گیا۔

اسلام آباد (اردو ٹائمز) سابق آرمی چیف پاکستان جنرل (ر) راحیل شریف سے معروف سماجی و عوامی شخصیت سردار شعیب ممتاز خان کھٹڑ نے اتوار کے روز ملاقات کی، جس میں قومی اہمیت کے مختلف امور پر تبادلۂ خیال کیا گیا۔

ملاقات کے دوران سردار شعیب ممتاز خان کھٹڑ نے دہشت گردی کے خلاف جنگ، قومی دفاع کے استحکام اور ریاستی اداروں کی مضبوطی کے لیے جنرل (ر) راحیل شریف کی خدمات کو خراجِ تحسین پیش کرتے ہوئے کہا کہ ان کی قیادت میں مسلح افواج نے قومی سلامتی کے تحفظ اور دہشت گردی کے خاتمے کے لیے مؤثر کردار ادا کیا، جس کے اثرات آج بھی ملک کے امن و استحکام میں نمایاں طور پر محسوس کیے جا رہے ہیں۔

سردار شعیب ممتاز خان کھٹڑ نے اس موقع پر کہا کہ پاکستان کو درپیش داخلی و خارجی چیلنجز سے نمٹنے کے لیے قومی یکجہتی، مضبوط اداروں اور اجتماعی قومی سوچ کی ضرورت ہے۔ انہوں نے نوجوان نسل کے کردار کو ملک کے مستقبل کے لیے کلیدی قرار دیتے ہوئے کہا کہ قومی ترقی اور استحکام کے لیے تمام طبقات کو اپنی ذمہ داریاں مؤثر انداز میں ادا کرنا ہوں گی۔

انہوں نے پاکستان کی سلامتی، معاشی استحکام، عوامی فلاح و بہبود اور قومی اداروں کے استحکام کے لیے اپنی نیک تمناؤں کا اظہار کرتے ہوئے اس عزم کا اعادہ کیا کہ ملک کی ترقی اور خوشحالی کے لیے مثبت قومی کردار وقت کی اہم ضرورت ہے۔

ملاقات خوشگوار اور باوقار ماحول میں منعقد ہوئی، جس کے اختتام پر ملک کی سلامتی، استحکام، ترقی اور خوشحالی کے لیے نیک خواہشات کا اظہار کیا گیا۔