اسلام آباد (اردو ٹائمز) سنگین جرائم میں ملوث 17 جرائم پیشہ افراد گرفتار

اسلام آباد (اردو ٹائمز) سنگین جرائم میں ملوث 17 جرائم پیشہ افراد گرفتار۔ ملزمان سے منشیات اور اسلحہ برآمد۔،وفاقی پولیس کے تھانہ بنی گالا تھانہ بہارہ کہو ،تھانہ ترنول ،تھانہ سنبل اور تھانہ شالیمار پولیس نے منشیات فروشی اور غیر قانونی اسلحہ رکھنے میں ملوث 09 ملزمان کو گرفتار کرکے ملزمان کرکے 126 گرام آئس ،859 بوتل شراب ،مختلف بور کے 06 پستول اورایک کلاشنکوف معہ ایمونیشن برآمد کی جبکہ اشتہاری، سابقہ ریکارڈ یافتہ اور عدالتی مفروران کی گرفتاری کیلئے کاروائی کے دوران 08 مجرمان کی گرفتاری عمل میں لائی گئی،ایس ایس پی آپریشنز اسلام آباد قاضی علی رضا نے کہا کہ اسلام آباد پولیس وفاقی دارلحکومت میں شہریوں کی جان ومال کے تحفظ کو یقینی بنانے کیلئے ہمہ وقت مصروف عمل ہے،کسی بھی عناصر کو شہریوں کے امن میں خلل ڈالنے کی اجازت نہیں دی جائے گی،شہریوں کی جان ومال کی حفاظت اسلام آباد پولیس کی اولین ترجیح ہے، شہریوں سے بھی گزارش ہے کہ کسی بھی مشکوک سرگرمی کے متعلق متعلقہ تھانہ یاایمرجنسی ہیلپ لائن ”پکار”15-پرفوری اطلاع دیں تاکہ پولیس اور عوام کے باہمی تعاون سے شہر کو جرائم سے پاک کیاجاسکے