اسلام آباد (اردو ٹائمز) پاکستان نے تقریباً چار دہائیوں کے بعد پہلی بار تجارتی جہاز سازی کے میدان میں شاندار واپسی کرتے ہوئے اپنے پہلے مقامی مال بردار جہاز کی ساخت کا باقاعدہ آغاز کر دیا ہے۔

اسلام آباد (اردو ٹائمز) پاکستان نے تقریباً چار دہائیوں کے بعد پہلی بار تجارتی جہاز سازی کے میدان میں شاندار واپسی کرتے ہوئے اپنے پہلے مقامی مال بردار جہاز کی ساخت کا باقاعدہ آغاز کر دیا ہے۔
کراچی شپ یارڈ میں سرکاری ادارے ‘پاکستان نیشنل شپنگ کارپوریشن’ کے لیے تیار کیے جانے والے اس جدید ترین جہاز میں گیارہ سو کنٹینرز لادنے کی گنجائش ہوگی۔ پچھلے چالیس سال سے یہ شپ یارڈ صرف پاک بحریہ کے لیے جنگی اور دفاعی جہاز بنا رہا تھا، لیکن اب تجارتی جہازوں کی پیداوار دوبارہ شروع ہونے سے ملک کو باہر سے مہنگے جہاز نہیں منگوانے پڑیں گے۔
یہ تاریخی منصوبہ نہ صرف قیمتی غیر ملکی زرمبادلہ بچانے اور ہزاروں لوگوں کو روزگار دینے کا ذریعہ بنے گا، بلکہ یہ پاکستان کو مستقبل میں عالمی سطح پر جہاز بیچنے والے ممالک کی صف میں شامل کرنے کی طرف ایک بڑا انقلابی قدم ہے۔