اسلام آباد (اردو ٹائمز) ڈی آئی جی سکیورٹی کا وفاقی شرعی عدالت اور اسلام آباد ہائیکورٹ کا وزٹ، سکیورٹی کا جائزہ لیا

اسلام آباد (اردو ٹائمز) ڈی آئی جی سکیورٹی کا وفاقی شرعی عدالت اوراسلام آباد ہائیکورٹ کا وزٹ، سکیورٹی کا جائزہ لیا، افسران وجوانوں کو ڈیوٹی کے دوران الرٹ اور پیشہ ورانہ فرائض کی ادائیگی کی ہدایت ،فول پروف سکیورٹی کو یقینی بنانے کیلئے تمام تر وسائل بروئے کا رلانے کے احکامات جاری کئے، ڈی آئی جی سکیورٹی نے سکیورٹی ڈیوٹی پر تعینات افسران اور جوانوں سے ملاقات کی اور انہیں ڈیوٹی کے دوران انتہائی چوکنا، پیشہ ورانہ اور ذمہ دارانہ رویہ اپنانے کی ہدایت کی، انہوں نے کہا کہ عدالتوں جیسے حساس اور اہم اداروں کی سکیورٹی اسلام آباد پولیس کی اولین ترجیحات میں شامل ہے اور اس حوالے سے کسی بھی قسم کی غفلت یا کوتاہی برداشت نہیں کی جائے گی،انہوں نے داخلی و خارجی راستوں، واک تھرو گیٹس، سی سی ٹی وی کیمروں کی فعالیت سمیت مجموعی سکیورٹی انتظامات کا تفصیلی جائزہ لیا، جبکہ ڈیوٹی پرموجود افسران کو مزید موثر نگرانی، مشکوک سرگرمیوں پر کڑی نظر رکھنے اور ہنگامی صورتحال سے نمٹنے کیلئے ہمہ وقت تیار رہنے کی ہدایت کی،ڈی آئی جی سکیورٹی نے مزید کہا کہ اسلام ا ٓباد پولیس جدید سکیورٹی تقاضوں کے مطابق تمام دستیاب وسائل کو بروئے کار لارہی ہے تاکہ شہریوں کو ایک محفوظ ماحول فراہم کیا جا سکے۔