اسلام آباد(اردو ٹائمز) علامہ اقبال اوپن یونیورسٹی کے سمسٹربہارکے داخلے یکم مارچ سے شروع ہوں گے

علامہ اقبال اوپن یونیورسٹی کے سمسٹربہار2024ء کے دوسرے مرحلے کے داخلے ملک کے چاروں صوبوں، آزاد کشمیر اور گلگت بلتستان میں ایک ساتھ یکم مارچ سے شروع ہوں گے۔

اس مرحلے میں پیش کئے جانے والے پروگراموں میں ایسوسی ایٹ ڈگری(بی اے/بی کام، بی بی اے )، بی ایس(او ڈی ایل)، بی ایڈ اور پوسٹ گریجویٹ ڈپلومہ پروگرامز شامل ہوں گے۔پیش کئے جانے والے تمام تعلیمی پروگراموں کے داخلہ فارم اور پراسپکٹس یونیورسٹی کی ویب سائٹ پر یکم مارچ سے دستیاب ہوں گے۔

پہلے مرحلے میں پیش کئے جانے والے میٹرک اور ایف اے پروگراموں کے داخلے لیٹ فیس چارجز کے ساتھ5مارچ تک جاری رہیں گے۔