اسلام آباد(اردو ٹائمز) چوہدری شجاعت کی پرویز الٰہی سے ملاقات خاندانی روایات کے تحت ہوئی ، سیاسی رنگ نہ دیا جائے ، مصطفی ملک

چوہدری شجاعت حسین کی چوہدری پرویز الٰہی سے اڈیالہ جیل میں ملاقات، مسلم لیگی ترجمان مصطفی ملک نے ملاقات کی تصدیق کر دی۔

ملاقات میں چوہدری وجاہت حسین ، چوہدری شافع حسین ، چوہدری سالک حسین ، منتہا اشرف بھی شامل تھے ۔ ترجمان ق لیگ مصطفی ملک نے کہا ہے کہ ملاقات مکمل غیر سیاسی تھی ،ملاقات کو سیاسی رنگ دینا غلط ہے۔ ملاقات میں سیاسی صورت حال پر کوئی گفتگو نہیں ہوئی ۔ چوہدری شجاعت حسین اور چوہدری پرویز الہی میں بہت محبت کا رشتہ ہے ۔ ملاقات خاندانی روایات کے تحت ہوئی ، چوہدری پرویز الہی کی صحت کے حوالے سے چوہدری شجاعت حسین اور فیملی کو تشویش لاحق تھی ۔