صوابی(اردو ٹائمز) موٹر وے پولیس نے راولپنڈی سے چوری شدہ گاڑی صوابی کے قریب برامد کر لی ۔

تفصیلات کے مطابق راولپنڈی کے علاقہ پولیس اسٹیشن صدر واہ سے ایک سفید کرولا چوری ہو گئی ، جس کی اطلاعات موٹروے پولیس کے پاس موجود تھی اور تلاش جاری تھی ۔موٹروے ایم ون کرنل شیر خان انٹرچینج کے قریب ایک گاڑی لاوارث حالت میں پائی گئی تفتیش کرنے پر پتہ چلا کہ یہ وہی گاڑی ہے جو راولپنڈی سے چوری ہوئی تھی ۔گاڑی پر جالی نمبر پلیٹ لگائی گئی تھی ۔گاڑی کو حفاظتی تحویل میں لے کر ملزمان کی تلاش شروع کر دی گئی ۔ابتدائی قانونی کاروائی مکمل کرنے کے بعد مزید قانونی کاروائی کے لیے ، گاڑی کو متعلقہ پولیس سٹیشن کے حوالے کر دیا گیا ۔