کراچی (اردو ٹائمز) پیرآباد پولیس کا منشیات کے خلاف گرینڈ سرچ آپریشن، 89 نشے کے عادی افراد حراست میں

کراچی (اردو ٹائمز) کراچی ڈسٹرکٹ ویسٹ پولیس نے منشیات کے خلاف کارروائی کرتے ہوئے تھانہ پیرآباد کی حدود بنارس چوک میں گرینڈ سرچ آپریشن کیا، جس کے دوران 89 نشے کے عادی افراد کو حراست میں لے لیا گیاایس ایس پی ویسٹ کے مطابق آپریشن کے دوران متعدد افراد کی بائیومیٹرک سرچ ڈیوائس کے ذریعے تصدیق بھی کی گئی۔ پولیس کا کہنا ہے کہ حراست میں لیے گئے نشے کے عادی افراد کو علاج، بحالی اور اصلاح کے لیے ایدھی ہوم منتقل کیا جا رہا ہےایس ایچ او پیرآباد حنیف انیس کی نگرانی میں کارروائی کے دوران پولیس نے علاقے میں منشیات کے خاتمے کے لیے سرچ آپریشن کیا۔ پولیس حکام کے مطابق منشیات فروشوں اور اس لعنت کے خاتمے کے لیے سرچ اور ٹارگٹڈ آپریشنز کا سلسلہ مزید تیز کیا جائے گا پولیس کا کہنا ہے کہ معاشرے کو منشیات کی لعنت سے پاک کرنے اور نوجوان نسل کو اس خطرناک وبا سے محفوظ رکھنے کے لیے مؤثر اقدامات جاری رہیں گے۔