اسلام آباد (اردو ٹائمز) پولیس کا سنگین جرائم میں ملوث 11 جرائم پیشہ افراد گرفتار

اسلام آباد (اردو ٹائمز) پولیس کا سنگین جرائم میں ملوث 11 جرائم پیشہ افراد گرفتار۔ ملزمان سے منشیات اور اسلحہ برآمد،تھانہ ترنول، تھانہ رمنا، تھانہ نون، تھانہ شمس کالونی ، تھانہ بنی گالا، تھانہ شہزاد ٹاؤن اور تھانہ سہالہ پولیس نے مجموعی کاروائیوں میں منشیات فروشی اور غیر قانونی اسلحہ رکھنے میں ملوث 09 ملزمان گرفتار کر لیے۔ ملزمان سے516 گرام ہیروئن، 20 بوتلیں شراب اور اسلحہ معہ ایمونیشن برآمد کئے گیا۔گرفتار ملزمان کے خلاف مقدمات درج کرکے مزید تفتیش جاری ہے جبکہ مجرمان اشتہاری،سابقہ ریکارڈ یافتہ اور عدالتی مفرروان کی گرفتاری کیلئے کاروائی کے دوران 02 مجرمان کی گرفتاری عمل میں لا ئی گئی۔ایس ایس پی آپریشنز قاضی علی رضا نے کہا کہ اسلام آباد پولیس وفاقی دارلحکومت میں شہریوں کی جان ومال کے تحفظ کو یقینی بنانے کیلئے ہمہ وقت مصروف عمل ہے۔کسی بھی عناصر کو شہریوں کے امن میں خلل ڈالنے کی اجازت نہیں دی جائے گی۔شہریوں کی جان ومال کی حفاظت اسلام آباد پولیس کی اولین ترجیح ہے۔