اسلام آباد (اردو ٹائمز) پاکستان عوامی قوت پارٹی کے سربراہ اور راول جنرل اینڈ ڈینٹل ہاسپٹل و راول فاؤنڈیشن کے چیئرمین خاقان وحید خواجہ نے کہا ہے کہ طلبہ و طالبات کا مستقبل جدید علوم سے مشروط ہے.

اسلام آباد (اردو ٹائمز) پاکستان عوامی قوت پارٹی کے سربراہ اور راول جنرل اینڈ ڈینٹل ہاسپٹل و راول فاؤنڈیشن کے چیئرمین خاقان وحید خواجہ نے کہا ہے کہ طلبہ و طالبات کا مستقبل جدید علوم سے مشروط ہے. اور ہم صحت اور جدید علم کے حصول کے لیے عام آدمی کے ساتھ ہیں ۔انہوں نے یہ بات اپنے دفتر میں عطاء الرحمن عباسی سمیت مختلف وفود سے بات چیت کرتے ہوئے کہی۔ انہوں نے کہا کہ ہم عام آدمی کے معیار زندگی کو بلند کرنے کے لیے اسے اپنے پاؤں پر کھڑا کرنے کی بھرپور کوشش کر رہے ہیں۔ انہوں نے کہا کہ ہم وہ نظام تعلیم لانا چاہتے ہیں جو دنیا کے جدید علوم کے ساتھ مقابلہ کر سکے۔ انہوں نے کہا کہ ہماری پارٹی روز بروز عام آدمی تک رسائی حاصل کر چکی ہے۔ اور اس سے یہ ہوا ہے کہ ہمارا منشور عام آدمی تک پہنچ رہا ہے۔