اسلام آباد (اردو ٹائمز):انسداددہشت گردی عدالت اسلام آباد نےپی ٹی آئی رہنماوں کیخلاف 26 نومبر اورسپریم کورٹ کےباہر احتجاج ودیگر مقدمات میں بشریٰ بی بی،عمر ایوب سمیت دیگرکی ضمانت قبل ازگرفتاری میں توسیع کر دی۔
انسداددہشت گردی عدالت کے جج ابوالحسنات محمد ذوالقرنین نےکیس پرسماعت کی،شیر افضل مروت، سابق وزیراعظم آزادکشمیر عبدالقیوم نیازی،سمیت دیگر رہنما عدالت میں پیش ہوئے جبکہ عمر ایوب، زرتاج گل ،ودیگرکی حاضری سے استنی کی درخواستیں دائر کی گئیں۔
عدالت نےحاضری سےاستنی کی تمام درخواستیں منظورکرلیں اور متعلقہ مقدمات میں پولیس کو13 نومبر تک گرفتاری سےروک دیا پی ٹی آئی رہنماوں کی مجموعی طور پر 246 سے زائد ضمانتیں زیر سماعت تھی عدالت کی جانب سے اگلی سماعت پر فریقین کو دلائل دینے کی ہدایت کی گئی۔
خیال رہے کہ پی ٹی آئی راہنماوں کیخلاف تھانہ رمنا۔ سنگجانی ،ترنول و دیگر میں مقدمات درج ہیں۔