اسلام آباد (اردو ٹائمز) ایس آئی ایف سی کی معاونت سے زرمبادلہ کے ذخائر میں اضافہ

اسلام آباد: خصوصی سرمایہ کاری سہولت کونسل (ایس آئی ایف سی) کی معاونت سے زرمبادلہ کے ذخائر میں اضافہ ہوا ہے، جس سے معیشت میں استحکام آگیا ہے۔

اسٹیٹ بینک کے زرمبادلہ ذخائر دو سال پانچ مہینے بعد 12 ارب ڈالر سے تجاوز کر گئے ہیں۔

نومبر تک اسٹیٹ بینک کے ذخائر 12.04 ارب ڈالر تک پہنچے جن میں ہفتہ وار 620 ملین ڈالرکا اضافہ ہوا۔

پاکستان کے کل زرمبادلہ ذخائر 16.62 ارب ڈالر ہیں، جبکہ کمرشل بینکوں کے ذخائر 4.58 ارب ڈالر ہیں۔

پالیسی ساز ماحول اور کاروباری برادری کا اعتماد بحال کرنے میں ایس آئی ایف سی نے کلیدی کردار ادا کیا ہے۔

معاشی استحکام کے لیے سرمایہ کاروں اورکاروباری برادری کو سہولت فراہم کی گئی۔

زرمبادلہ ذخائر میں اضافے کا رجحان پاکستان کی مالی حالت میں بہتری کا مظہر ہے۔