آئل اینڈ گیس ریگولیٹری اتھارٹی (اوگرا) پیٹرولیم مصنوعات کی قیمتوں کے حوالے سے قیاس آرائیوں سے بچنے کی اہمیت پر زور دیتے ہوئے کہا کہ ہمارے ملک میں پٹرولیم مصنوعات کی قیمتیں بنیادی طور پر بین الاقوامی مارکیٹ کی قیمتوں اور ڈالر کی شرح تبادلہ پر منحصر ہیں۔
ترجمان آئل اینڈ گیس ریگولیٹری اتھارٹی (اوگرا) کے مطابق حالیہ دنوں میں ہم نے بین الاقوامی سطح پر پیٹرولیم مصنوعات کی قیمتوں میں اضافہ دیکھا ہے جبکہ ڈالر سے روپے کی شرح تبادلہ میں بہتری آئی ہے۔اس بات کو اجاگر کرنا ضروری ہے کہ نئی قیمتوں کے اعلان میں ابھی ایک ہفتہ باقی ہے۔ لہذا، اس مدت کے دوران قیمتوں میں اضافے یا کمی کے بارے میں کوئی بھی قیاس آرائی ممکنہ طور پر تیل کی سپلائی چین کے ہموار کام میں خلل ڈال سکتی ہے۔