راولپنڈی (اردو ٹائمز) ریجنل پولیس آفیسر راولپنڈی ریجن بابر سرفراز الپا کا راولپنڈی کے تھانہ صدر واہ اورتھانہ ٹیکسلاکا دورہ

راولپنڈی (اردو ٹائمز)(مظہر شاہ)ریجنل پولیس آفیسر راولپنڈی ریجن بابر سرفراز الپا کا راولپنڈی کے تھانہ صدر واہ اورتھانہ ٹیکسلاکا دورہ،   دورے کے دوران ایس ڈی پی اوٹیکسلا، متعلقہ ایس ایچ اوز اور دیگر پولیس افسران بھی موجود تھے، آر پی او نے تھانہ جات کی بلڈنگ،حوالات، فرنٹ ڈیسک، کوت اور دیگر متعلقہ امور کا جائزہ لیا،تھانہ جات شہریوں کو انصاف کی فراہمی کے بنیادی یونٹ ہیں، اس لیے تھانوں میں آنے والے ہر شخص کو بلا تفریق سنا جائے اور ان کے مسائل حل کرنے کے لیے اقدامات کیے جائیں، تھانہ جات میں کسی قسم کی غیر قانونی حراست برداشت نہ کی جائے گی، بابر سرفراز الپا آر پی او راولپنڈی ریجن۔

تفصیلات کے مطابق ریجنل پولیس آفیسر راولپنڈی ریجن بابر سرفراز الپا نے راولپنڈی کے تھانہ صدر واہ اور تھانہ ٹیکسلاکا دورہ کیا،دورے کے دوران ایس ڈی پی او ٹیکسلا، متعلقہ ایس ایچ اوز اور دیگر پولیس افسران بھی موجود تھے،آر پی اوبابر سرفراز الپا نے تھانہ صدر واہ کے علاقہ میں شہید ہونے والے کانسٹیبل سجاد حسین شاہ کی تھانہ میں قائم یادگار شہداء پر شہداء کی بلندی درجات کے لیے دعا بھی کی۔آر پی او بابر سرفراز الپا نے تھانوں کی بلڈنگ، حوالات، فرنٹ ڈیسک، کوت اور دیگر متعلقہ امور کو چیک کرتے ہوئے تھانہ میں درج مقدمات، زیر تفتیش کیسز کے ریکارڈ اور سنگین نوعیت کے مقدمات پر ہونے والی پیش رفت کا تفصیلی جائزہ لیا۔ اس موقع پرآرپی او بابر سرفراز الپا نے واضح ہدایات جاری کرتے ہوئے کہا کہ تھانوں میں درج مقدمات میں ملوث تمام ملزمان کی فوری گرفتاری یقینی بنائی جائے۔ہر مقدمہ کی میرٹ، شفاف اور حقائق کی بنیاد پر تفتیش کرتے ہوئے مقدمات کے چالان دئیے گئے ٹائم فریم کے اندر متعلقہ عدالتوں میں بھجوائے جائیں۔کسی بھی شہری کو غیر قانونی حراست میں رکھنا قابلِ برداشت نہیں ہوگا۔تھانہ ایک خدمت گاہ ہے، لہٰذا آنے والے شہریوں کے ساتھ خوش اخلاقی، احترام اور بہتر سروس کلچرکو یقینی بنایا جائے۔آر پی او نے مزید کہا کہ تھانوں میں موجود افسران و اہلکار اپنے رویے، کارکردگی اور پیشہ ورانہ مہارت کے ذریعے عوام کا اعتماد بحال کریں۔ پولیس کا ہر اہلکار قانون کی حکمرانی، شہریوں کے احترام اور انصاف کی فراہمی کو اولین ترجیح بنائے،جرائم پیشہ عناصر کے خلاف مستقل اور مؤثر کارروائیوں کو یقینی بناتے ہوئے تھانہ جات کو امن و امان برقرار رکھنے میں اپنا فعال کردار ادا کرنا ہوگا۔