اسلام آباد (اردو ٹائمز) تھانہ کورال پولیس نے موثر کارروائی کرتے ہوئے خاتون کے اندھے قتل کا قلیل وقت میں سراغ لگا لیا اور قتل میں ملوث تین ملزمان کو گرفتار کرلیا ہے

اسلام آباد (اردو ٹائمز) تھانہ کورال پولیس نے موثر کارروائی کرتے ہوئے خاتون کے اندھے قتل کا قلیل وقت میں سراغ لگا لیا اور قتل میں ملوث تین ملزمان کو گرفتار کرلیا ہے۔ تھانہ کورال کی حدود سے خاتون کی نعش ملی تھی، جسکا نام ساجدہ بی بی معلوم ہوا تھا۔ تھانہ کورال پولیس نے واقعہ کا مقدمہ درج کرکے جدید بنیادوں پر تفتیش کا آغاز کیا اور ملزمان کی گرفتاری کے لیے ڈی آئی بی، ٹیکنیکل ونگ، تھانہ کورال اور ہومی سائیڈ انویسٹی گیشن یونٹ پر مشتمل خصوصی ٹیمیں تشکیل دی گئیں، سی سی ٹی وی فوٹیجز، جیو فینسنگ، کال ڈیٹا اور ہیومن انٹیلی جنس کی مدد سے ملزمان کو ٹریس کیا۔ پولیس نے مقتولہ ساجدہ بی بی کے قتل میں ملوث تین ملزمان سہیل مسیح، چشمان مسیح ،مقتولہ کا بیٹا، اور روبن مسیح کو گرفتار کرلیا۔ ملزمان سے واردات میں استعمال ہونے والا پستول جبکہ مقتولہ اور اس کی بیٹی کے موبائل فونز بھی برآمد کرلیے۔ ملزمان سے مزید تفتیش جاری ہے۔