اسلام آباد (اردو ٹائمز) ایف آئی اے کی بڑی کامیابی — فرانس بھیجنے کے نام پر 16 لاکھ 65 ہزار روپے ہتھیانے والا 14 سالہ اشتہاری ملزم گجرات سے گرفتار

اسلام آباد (اردو ٹائمز): ایف آئی اے نے مقدمہ نمبر 184/12 کے اشتہاری ملزم عبدالرحمٰن عابد ساہی ولد محمد حسین کو 14 سال تک مسلسل کوششوں کے بعد بالآخر گجرات سے گرفتار کر لیا ہے۔

ملزم نے شکایت کنندہ سے اس کے بھائی کو فرانس بھیجنے کے جھانسے میں سولہ لاکھ پینسٹھ ہزار روپے وصول کیے، تاہم نہ تو وعدہ پورا کیا اور نہ ہی رقم واپس کی۔ مقدمہ درج ہونے کے بعد سے ملزم فرار تھا اور گرفتاری سے بچنے کے لیے مسلسل ٹھکانے بدلتا رہا۔ ایف آئی اے ٹیم نے انتھک محنت اور پیشہ ورانہ تفتیش کے ذریعے ملزم کا سراغ لگا کر اسے گجرات سے گرفتار کر لیا۔

یہ گرفتاری انسپکٹر زاہد بھٹی کی قیادت میں ان کی ٹیم، اے ایس آئی رفیق اور ہیڈ کانسٹیبل عالم زیب نے انجام دی۔

ایف آئی اے اسلام آباد زون کا عزم ہے کہ خواہ ملزم کتنے ہی عرصے سے فرار ہو، اسے قانون کے کٹہرے میں لایا جائے گا۔

ترجمان ایف آئی اے، اسلام آباد زون