کراچی (اردو ٹائمز) پیرآباد پولیس کی ٹارگٹڈ کارروائی، چھالیہ و گٹکا اسمگلنگ میں ملوث تین ملزمان سمیت “پائیلیٹ” گرفتار

کراچی (اردو ٹائمز) کراچی ویسٹ کے تھانہ پیرآباد پولیس نے ایک ٹارگٹڈ کارروائی کرتے ہوئے چھالیہ اور گٹکا اسمگلنگ میں ملوث گروہ کو گرفتار کر لیا ایس ایس پی ویسٹ کے مطابق اسمگلرز کا ایک ساتھی موٹرسائیکل پر بطور “پائیلیٹ” کار کے آگے پیچھے رہتے ہوئے پولیس کی موجودگی اور راستوں کی معلومات فراہم کر رہا تھا۔ گرفتار ملزم طارق الٰہی مستوئی پیچھے آنے والی کار کو راستہ اور پولیس کی نقل و حرکت سے مسلسل آگاہ کرتا رہا پولیس نے کارروائی کے دوران پہلے پائیلیٹ کو گرفتار کیا، جس کے بعد کار میں موجود مزید دو ملزمان کو بھی حراست میں لے لیا گیا گرفتار ملزم طارق الٰہی مستوئی کے قبضے سے 22 بورے (220 کلوگرام) چھالیہ، 100 پیکٹ تیار گٹکا، تمباکو، چونا اور دیگر سامان برآمد ہوا پولیس نے ملزمان کی کار اور موٹرسائیکل بھی قبضے میں لے لی ہے۔ گرفتار ملزمان میں حکمت اللہ ولد عبدالجبار، میر محمد عرف میرو اور اکبر ولد عبدالکریم شامل ہیں۔ملزمان کے خلاف ضابطے کے تحت مقدمہ درج کرکے مزید تفتیش کا آغاز کردیا گیا ہے۔