E Paper
کراچی (اردو ٹائمز) پی آئی اے نجکاری میں بڑی پیش رفت سامنے آگئی، عارف حبیب کنسورشیم نے پی آئی اے کے 100 فیصد شیئرز خرید لیے۔ترجمان پی آئی اے کنسورشیم کے مطابق عارف حبیب کنسورشیم نے پی آئی اے کے مزید 25 فیصد شیئرز کے لیے رقم جمع کروا دی، معاہدے کے تحت 45 ارب روپے کی بینک گارنٹی بھی جمع کروا دی گئی۔
عارف حبیب کنسورشیم کے پاس پی آئی اے کے 25 فیصد شیئرز کی خریداری کا آپشن موجود تھا جبکہ انہوں نے پی آئی اے کے 75 فیصد شیئرز پہلے ہی خریدے ہوئے ہیں۔واضح رہے کہ عارف حبیب کنسورشیم کی جانب سے مئی میں پی آئی اے کا کنٹرول سنبھالنے کی توقع ہے۔ عارف حبیب کنسورشیم فوجی فرٹیلائزرز، لیک سٹی اور فاطمہ گروپ پر مشتمل ہے۔ عارف حبیب لمیٹڈ، سٹی اسکول اور اے کے ڈی بھی کنسورشیم کا حصہ ہیں۔ حکومت نے کنسورشیم کو 25 فیصد شیئرز کی خریداری آپشن دیا تھا۔
