اسلام آباد (اردو ٹائمز) پی ٹی ایم ایل (یوفون) نے تیز ترین 3500 میگا ہرٹز بینڈ کے سب سے بڑے حصہ دار کی حیثیت سے 5 جی کے شعبے میں قدم رکھ دیا

اسلام آباد – 19 مارچ، 2026 (اردو ٹائمز): یوفون کے برانڈ نام سے خدمات فراہم کرنے والی پاکستانی ٹیلی کام کمپنی، پاک ٹیلی کام موبائل لمیٹڈ (پی ٹی ایم ایل) نے باضابطہ طور پر پاکستان میں 5 جی منظرنامے میں قدم رکھ دیا ہے، جہاں اسے 5 جی کنیکٹیویٹی کے لیے عالمی معیار سمجھے جانے والے 3500 میگا ہرٹز فریکوئنسی بینڈ کا سب سے بڑا حصہ حاصل ہے۔ ریگولیٹری منظوریوں کے بعد ٹیلی نار پاکستان کے یوفون میں مجوزہ انضمام کے نتیجے میں مشترکہ ادارہ، ’مرج کو‘ (MergeCo)، پاکستان کے ٹیلی کام شعبے میں سب سے بڑے اسپیکٹرم کا مالک بن کر اُبھرے گا۔
مشترکہ کمپنی 292.4 میگا ہرٹز پر مشتمل سب سے بڑے اور متنوع اسپیکٹرم پورٹ فولیو کی حامل ہوگی، جو قریب ترین حریف ادارے سے بھی 8 میگا ہرٹز زیادہ ہوگا، اور اس میں کم ترین، درمیانے اور تیز ترین فریکوئنسی بینڈز شامل ہوں گے۔ یہ کمپنی کو انفرادی اور کارپوریٹ صارفین کو اعلیٰ معیار کی ڈیجیٹل خدمات فراہم کرنے کے قابل بنائے گا۔
پی ٹی ایم ایل (یوفون) نے5G کے حصول کے لیے جارحانہ حکمت عملی اختیار کرتے ہوئے 5G کے شعبے میں عالمی معیار سمجھے جانے والے 3500 میگا ہرٹز بینڈ کا سب سے بڑا حصہ یعنی 120میگا ہرٹز حاصل کیا، جبکہ 2600 میگا ہرٹز بینڈ میں اضافی 60 میگا ہرٹز بھی حاصل کیا، تاکہ انتہائی تیز رفتار ڈیٹا اسپیڈز اور تسلسل سے بہترین صارف تجربہ فراہم کیا جا سکے۔
مزید برآں، پی ٹی ایم ایل کا 120 میگا ہرٹز مسلسل (کنٹیگیوس) اسپیکٹرم عالمی معیار کے مطابق وسیع تر 5G چینلز کی معاونت کرے گا، جس کے نتیجے میں مصروف ترین اوقات میں بھی تیز رفتار انٹرنیٹ اور مستحکم ڈیٹا تھروپٹ، اور بیک وقت کثیر تعداد میں صارفین کو، خاص طور پر زیادہ طلب والے شہری علاقوں میں، بلا تعطل خدمات فراہم کرنے کی صلاحیت حاصل ہوگی ۔
ٹیلی نار پاکستان کے انضمام کے بعد مشترکہ کمپنی اپنی اضافی استعداد کے ذریعے جدید ترین ڈیجیٹل تجربات کی فراہمی ممکن بنائے گی، جن میں بلا تعطل الٹرا ہائی ڈیفی نیشن اسٹریمنگ، بہترین کلاؤڈ گیمنگ، آگمینٹڈ اور ورچوئل ریئلٹی ایپلی کیشنز، اور انفرادی و کارپوریٹ صارفین کے لیے ڈیجیٹل پلیٹ فارمز اور خدمات کے وسیع ایکو سسٹم تک تیز تر رسائی شامل ہے۔
انتہائی تیز رفتار انٹرنیٹ کی فراہمی کے علاوہ مشترکہ کمپنی ملک گیر کوریج کے عمل کی بھی قیادت کرے گی۔ 850 میگا ہرٹز اور 900 میگا ہرٹز جیسے لو فریکوئنسی بینڈز میں 44.8 میگا ہرٹز، جو انڈسٹری میں سب سے زیادہ ہے، کے ذریعے کمپنی قصبوں اور دیہات تک قابلِ اعتماد انٹرنیٹ خدمات کی فراہمی کے لیے تیار ہے۔ کمپنی اپنے انڈسٹری کے سب سے بڑے ٹیلی کام نیٹ ورک سے فائدہ اٹھاتے ہوئے پاکستان بھر میں مسلسل کوریج، بہتر معیار اور بہتر صارف تجربہ فراہم کرے گی۔ یہ انضمام ملک بھر میں صارفین کے لیے مجموعی 4G تجربے میں بھی بہتری لائے گا۔
اس اہم سنگ میل کے متعلق اظہارِ خیال کرتے ہوئے، صدر و سی ای او، پی ٹی سی ایل و یوفون، حاتم بامطرف نے کہا، ’’پی ٹی ایم ایل اب عالمی معیار کے 3.5 گیگا ہرٹز اسپیکٹرم کی سب سے بڑی حصہ دارہے، جو کسی بھی حریف کمپنی کے مقابلے میں دگنا ہے، اور اس کی بدولت ہمیں پاکستان میں رفتار اور کارکردگی کے نئے معیارات قائم کرنے کی صلاحیت حاصل ہوئی ہے۔ خصوصاً ٹیلی نار پاکستان کے انضمام کے بعد ہم پاکستان میں سب سے زیادہ اسپیکٹرم کے حامل ہونگے ، جس سے ہمیں ڈیجیٹل خدمات کو ترقی کی نئی بلندیوں تک لے جانے ، اور تیز ترین رفتار، وسیع تر کوریج اور بہترین صارف تجربہ فراہم کرنے میں مدد ملے گی ۔ ہم ہمیشہ سے ایک ایسا نیٹ ورک تشکیل دینا چاہتے تھے، جو ملک بھر میں افراد، کاروباری اداروں اور کمیونٹیز کو بااختیار بنائے، اور آج ہم اس خواب کو حقیقت بنانے کے قریب ترین ہیں۔‘‘
اپنے مثالی اسپیکٹرم اور ملک گیر نیٹ ورک کے ساتھ مشترکہ ادارہ بلا تعطل، جامع اور اعلیٰ معیار کی 5G خدمات فراہم کرے گا، جبکہ ایک قابلِ فخر پاکستانی برانڈ کی حیثیت سے جو کمیونٹیز کو جوڑنے اور بااختیار بنانے کے یوفون کی شاندار روایت کو بھی جاری رکھے گا ۔
ختم شد۔