اسلام آباد (اردو ٹائمز) اسلام آباد پولیس کا پتنگ بازوں اور پتنگ فروشوں کے خلاف بڑ ے پیمانے پر کر یک ڈاون

اسلام آباد (اردو ٹائمز) اسلام آباد پولیس کا پتنگ بازوں اور پتنگ فروشوں کے خلاف بڑ ے پیمانے پر کر یک ڈاون
24گھنٹوں کے دوران چھ پتنگ بازوں اور پتنگ فروشوں کو گرفتار کرکے ان کے قبضہ سے بڑ ی تعداد میں پتنگیں اور ڈوریں برآمدکرلیں، تھانہ نیلور، تھانہ کرپا، تھا نہ بنی گا لہ اور تھانہ کراچی کمپنی پولیس نے چھ پتنگ بازوں اور پتنگ فروشوں کو گرفتار کرکے ان کے قبضہ سے بھاری تعداد میں پتنگیں اور ڈوریں برآمد کر لیں،گرفتار ملزمان کے خلاف مختلف تھانہ جات میں مقدمات کا اندراج کرکے مزید تفتیش جاری ہے،ایس ایس پی آپریشنزاسلام آ باد قاضی علی رضا نے کہا کہ والدین اپنے بچوں کو پتنگ بازی کے نقصانات اور قانونی کارروائی کے متعلق آگاہ کریں،شہری اپنی معاشرتی و قانونی ذمہ داری نبھائیں اور پتنگ بازی کی روک تھام میں اپنا کردار ادا کریں، انہوں نے مزید کہا کہ پتنگ فروشی کے نقصانات اس کے سدباب کے حوالے سے ضلع بھر کے تھانہ جات کی حدود میں موجود مساجد میں اعلانات بھی کیے گئے ہیں، پتنگ بازی ایک خطرناک کھیل ہے،اس عمل سے کوئی شخص زندگی بھر کے لئے معذور اور مو ت کا شکار ہوسکتاہے، انہوں نے مزید کہ اسلام آبا د پولیس کا پتنگ بازی اور پتنگ فروشی کے خلاف بھرپور کریک ڈاون جاری رہے گا، پتنگ بازی ایک جرم ہے جس سے سختی سے نمٹا جارہا ہے،اسلام آباد پولیس پتنگ بازی جیسے خونی کھیل کے خلاف مسلسل قانونی کارروائیاں عمل میں لارہی ہے،دھاتی ڈور انسانی جان کے لئے خطرہ ہے،پتنگ بازی کے خونی کھیل کے سبب معصوم جانوں کا ضیاع ہرگز برداشت نہیں کیا جائے گا