راولپنڈی
ائی ایس پی ار
پاکستان آرمی کی جانب سے گورنمنٹ بوائز ہائی سکول خانپور سیدہ میں عملی مشقوں اور اسلحہ کی نمائش کا انعقاد
خانپور سیدہ: پاکستان آرمی نے گورنمنٹ بوائز ہائی سکول خانپور سیدہ کے طلباء کے لیے عملی مشقوں اور اسلحہ کی نمائش کا اہتمام کیا۔ اس پروگرام کا مقصد طلباء کو مسلح افواج کے کردار اور قربانیوں سے آگاہ کرنا اور ان میں دفاعِ وطن کا جذبہ بیدار کرنا تھا۔
پروگرام کے دوران جدید اسلحہ اور آلات کی نمائش کی گئی، اور فوجی جوانوں نے مختلف عملی مشقیں پیش کیں جن میں ہتھیاروں کے استعمال، دفاعی حکمت عملی، اور قومی سلامتی سے متعلق مظاہرے شامل تھے۔
اس موقع پر طلباء نے فوجی جوانوں کی مہارت کو سراہتے ہوئے ان کے حوصلے اور قربانیوں کو خراج تحسین پیش کیا۔ طلباء اور اساتذہ نے پاکستان آرمی کا شکریہ ادا کیا اور اس اقدام کو تعلیم و تربیت کے حوالے سے ایک مثبت قدم قرار دیا۔
پاکستان آرمی کی جانب سے ایسے پروگرامز کا انعقاد مستقبل میں بھی جاری رہے گا تاکہ نوجوان نسل کو ملکی دفاع کے حوالے سے شعور دیا جا سکے۔