دبئی (آئی پی ایس )چیمپئنز ٹرافی کے میچز کسی تیسرے ملک میں کرانے کی پاکستان کی تجویز پر بھارتی کرکٹ بورڈ تذبذب کا شکار نظر آتا ہے۔بھارتی میڈیا کے مطابق بھارتی بورڈ میں مشاورت کا عمل جاری ہے تاہم تاحال پاکستان کی تجویز سے متعلق کوئی فیصلہ نہیں کرپائے ہیں۔
بھارتی میڈیا کا کہنا ہے کہ بھارتی کرکٹ بورڈ نیوٹرل وینیوز پر میچز کرانے کی پاکستان کی پیشکش ماننے پر ہچکچاہٹ کا شکار ہے۔امکان ظاہر کیا جا رہا ہے کہ بھارت ہٹ دھرمی پر قائم رہتے ہوئے اس تجویز کو مسترد کردے گا۔
یاد رہے کہ ہائبرڈ ماڈل نہ ماننے کی صورت میں آئی سی سی نے چیمپئنز ٹرافی پاکستان سے شفٹ کرنے کا عندیہ دیا ہے۔دوسری جانب پاکستان نے بھی بھارت سے سیکیورٹی کی تحریری ضمانت مانگی ہے اور بصورت دیگر آئی سی سی چیمپئنز ٹرافی کا فیصلہ کریگی۔ادھر سی بی کے ذرائع کا کہنا ہے کہ آئی سی سی یا بھارتی بورڈ کی جانب سے پاکستان کی تجاویز پرکوئی رابطہ نہیں کیا گیا۔
قبل ازیں چیئرمین پی سی بی محسن نقوی نے دوٹوک موقف اپناتے ہوئے کہا تھا کہ بھارت پاکستان نہیں آئے گا تو ہم بھی کھیلنے انڈیا نہیں جائیں گے۔محسن نقوی کا کہنا تھا کہ اب جو ہوگا برابر ی کی بنیاد پر ہوگا۔