پاکستان روایتی حریف بھارت کوں ہرا تے ایمرجنگ ایشیا کپ دا چیمپئن ٻݨ ڳئے

 پاکستان روایتی حریف بھارت کوں کولمبو اچ کھیݙیے ونڄݨ آلے فائنل میچ اچ 129 رنز توں ہرا تے ایمرجنگ ایشیا کپ دا چیمپئن ٻݨ ڳئے۔ بھارت فائنل اچ 353 نز دے پچھو ٻھڄدے صرف 224 رنز تے ڈھیر تھی ڳئے۔ بھارتی ٹیم ٹاس جیت تے پاکستان کوں بیٹنگ دی دعوت ݙتی اتے پاکستان مقررہ 50 اووراں اچ 8 وکٹاں تے 352 رنز دا پہار کھڑا کر ݙتے۔ پاکستان ولوں اوپنر بیٹر صائم ایوب 59، صاحبزادہ فرحان 65، اتے طیب طاہر کیرئیر بیسٹ 108 رنز دی دھواں دا بیٹنگ کیتی۔ عمیر یوسف، مبصر خان 35، 35، محمد وسیم جونیئر 17 اتے مہران ممتاز 13 رنز ٻݨاعے۔ ولدے اچ بھارتی ٹیم 224 رنز تے ڈھیر تھی ڳئی۔ بھارتی اوپنر 61 رنز نال نمایاں رہین،ٻیا کوئی وی بھارتی سورما کریز تے نا ٹک سڳیا۔ پاکستان ولوں سفیان مقیم 3، مہران ممتاز، ارشد اقبال اتے محمد وسیم 2، 2 اتے مبشر خان ہک وکٹ ڳھدی